Quelle: Bürgerverein Anrath e.V. | www.buergerverein-anrath.de | Stand: 10. Jul. 2013

Creskenke

(von J. Lüpertz - Aus dem Heimatbuch 1989)

Früher, als et noch kenne Weihnachtsmann jo-ev, ko-em Creskenke on breit all die schu-ene Saakes, över die wir os su-e jefreut hant.

Et hedde zwar off: "Det Jo-er jöfft et nicks, Creskenke het en Been jebro-eke."

Dat mot ever wal emmer erch jau jehelt si-en, denn ech kann mech net erennere, dat wir ens nicks jekri-eje hant.

Wet er noch? Creskenke breit emmer die jru-ete Speklatsmänn oder die Körv möt Druve ut Speklats. Wat de Klo-es dr Buckmann wo-er, wo-er Cresmes dr Speklatsmann. Die staat'se Männ wo-ere och emmer op en Brettche jebonge, domöt se net du-erbro-eke. Dat kennt er doch noch? En Schnie Bru-et möt Marjarine on Muurekruut, on do-e drop en Stöck von dr Speklatsmann oder dr Druvekörv. Dat schmek be-eter als et schönste Cresmese-ete op van Dach. Oder Zoppe, kennt er dat net?

En Stöck Speklats en dr Kaffe je-deut, on dannen dr Monk do-emöt. De Speklats verjing op de Tong, on dr Jeschmack ko-em su-e richtig erut. Op van Dach het dat, vürnem utjedrökt:

"Es zergeht einem auf der Zunge."

Ever, dat ös wal dat se-elve.

Do-emöt die Speklatsmänn net janz ut dr Moddem ku-eme, möse die Anrötscher-Bäcker vör Creskenke wi-er Speklatsmänn wie früher backe. Wenn die op dr Tiet en dr Ram jeleit wü-ete, dann wü-eden die och wer jejolle. Jong, wie ech mech do-e drop vreu.